Contact to us

آخر الأخبار

حكاية شمس للشاعر سالم علي الكعبي البيرق 

حكاية شمس



زرعتي نشوة اشواقي … على وادي الأمل  بالطيب

 فهالقريـة على الروضة ،،،  م بين النخل  والساقي


طلبتـه لاهب شعـورك … على غــض الجفـن حريّب 

أبيـــه الليل لا طــوّل  … يـخـاصـمـنـي فـعـشاقـي


ألا يـا مـن أهــوجــس بـك ، وحرفـي مـا وجد تثريب

وغـيـم الحــزن في جـوي ، مـغطـي جـملـة آفـاقـي 


جـمالك مـن ورى غيمـه ، ف شمسٍ تعشق التهذيب

وأقـول الحسن يـا حسنك ، يشابـه بلسـم أعـواقـي


على الذكـرى أسـدلت ثـوبٍ ، مطرز من شفق لمغيب

يخـالـطـه الـغـرام إلي … نبت في داخـل أعماقـي

 

وهـي مــرت تـكابـر بـه ، مـثـل بنتٍ  خطاها العـيب

 تـسـامــت بـه وهي تقفـي ، كأنها تـجـر مـعـلاقـي


نـوّت تـحـمـل مفاتنها ، على الـسـرعــه لها توضيب

وتـسـلك ف السمـا دربٍ  ، مـن المـغـرب لمـشـراقـي


بغيت أحكي عجزت أنطق وأخاف إن الشباب يشيب

تمثل دور معشوقـه ،  وأشـوف الفلم ف أحـداقـي


أنـامـل طـيفهـا تـعـزف .. على رمـش الوتر وتصيب

تنـاوي بـكـفـهـا الأيـمــن … تـودعـنـي وأنـا بـاقـي


تودعنـي وهي تقفـي … وحلمي مـا لـقـى الترغيب

ولا قـمـره  تخـاوينـي … وحـنينـي هـدم أشـواقـي


وهـبّت بـعـدهـا الخـازم ، عـتيّـه نـاويــه الـتـخـريب

وصـدري قـبـل لا هـبت ، عـلـيــه الحمل منساقـي


ظهـر مـن بعدها داجي .. عسير ، وللهموم يجيب

 وزاد الشـوق في صـدري ، وهمـي نازل وراقي


نجوم الحـظ تتلاشـى ، وأنـا بـين الرجى والريب

عليك الله يـا وقـت الصـبـاوه …  ويـن تـريـاقـي


ف ليلٍ معتم وداجي ، أقاسـي بـعـده التعـذيب

ويـصدمنـي شعـور البوح ، دمعي بلل أوراقـي


ولـو بضرب مثال الـهـم ، سـين وفـوقـها تكعـيب

كذا الأحزان في صدري ، أجل يا ناس وش باقي


أوّرق صبحي الناعـس ، إذا قـادر على التعقيب

وأنـادي … شاعـرك منهـك ، طـواه الهم معتاقي


يناظر باب مـن قفى ، عسى يرجع وحاله يطيب

وسواري المـزن تتصافق  ، ويهطل غيث خفاقي


وينبت زعـفـران الـود ،،، في أرضـي بلا تتـريب

ونـقطف حـلـو غـربيبٍ ، جـميـل اللـون رقـراقـي


رجيتك والرجاء بالله ، وأنا إلي مـا قـدرت اغيب

دخيـلك  طالبك عـوّد … وأنـهـي قـصـة فـراقـي


سالم علي الكعبي

(البيرق )

عن admin

اترك رد