Contact to us

آخر الأخبار
الرئيسية / التوجيه للاخبار / قهوتي ع همس ذكرياتك 

قهوتي ع همس ذكرياتك 

فالمكان اللي جمعني فيك صدفة 

قهوتي طابت ع همسة ذكرياتك 


خافقي يفتح على الأشواق شرفه 

واسأل الفنجان عن آخر جهاتك 


أساله عن نور بسمه وبوح لهفة 

رافقت رحال في دنيا حلاتك 


شل حقايب امنياته فوق كتفه 

الوله دربه و زاده من غلاتك 


والعجيب اللي يَعي الشعر وصفه 

الكلام اللي تقوله في سكاتك 


تنطقه عينك عن احساسك وشغفه 

واتْحيّر في تأمل كنهْ ذاتك 


بك عرفت ان الهوى لو وقت حتفه 

أجمل اللحظات لو العمر فاتك  


بك عرفت ان الجرح في وقت نزفه 

أعظم الآمال لي تحيي حياتك 


اسهرك لين الفجر يبيح عزفه 

وأنثر بوجه الضيا كل اغنياتك 


لي على باب الأمل كل يوم وقفه 

علَّني اظفر بمن يشبه صفاتك 


واطعن بصدر الزمن من دون رأفه 

لو نوى لحظة ينسيني بهاتك 

 

ما بقى من قهوتي يا غير رشفه 

ريحها ممزوجة بنكهة شفاتك 


احتسيها بين لذة وبين رجفه 

بعد ما طابت ع همسة ذكرياتك 




كلمات 

عبدالعزيز بوسعود الكعبي

عن admin

اترك رد