Contact to us

آخر الأخبار
الرئيسية / التوجيه للاخبار / قصيدة : محاولة 

قصيدة : محاولة 

دام الشـعر فيـني بعـينك تـشعـله

لك حق تطلب من قصيدي اجمله


قطفت لك ورد القوافي  وجيت لك

مـحـد غـيـرك يالـغـلا  يسـتااهـلـه


ولان القلم خايف عحسنك مالحسد

كل ما نوى وصفك بدى بالبسمله


ولان القلم عاشق وعشقك له نبض

سالت عروقه عالورق مسترسله


يا حاملٍ قلبي على رمح الهدب

اغـرس طـعانك بالـعيون القاتله


ولون بشـريـاني ميادين الوغى

انـا وقـلـبـي لك جـنـودٍ بـاسـلـه


خايلت خدك بين براق وسحب

واستبشرت أرض الخفوق الممحله


من قبل ما تمطر تشجر بالعشق

ومالت غصونه بالمشاعر والوله


رحال في دنيا غرامك والغلا

وانا الغريب وممتلي بالاسئله


اخوض بحرك بالرياح العاتيه

ولا غير حبك لي شراع وبوصله


ودي يلو اصعد بنفسي لسما

وقوس القزح ويا الشفق لك احمله


انسج من خيوط الشفق لجلك غطا

وقوس القزح يصبح ع نحرك سلسله


حتى النجم حبك ويعشق طلتك

وفي نيته يترك مداره وينزله


عايف جوار الشمس مع وجه البدر

وده يشيد فوق ثغرك منزله


ما كل شعرٍ في تواصيفك  كفو

منك السموحه واعتبرها محاوله


عبدالعزيز عبدالله محمد  الكعبي

عن admin

اترك رد